X

گەڕان




شاهیدییه‌كان

مامۆستا كرێكار کەسێکی مەوسووعییە

1/10/2023 10:12:48 AM   |   382 :بینراو

پرۆفیسۆر (لارش گویلە) : کرێکار کوردەو ساحەکەی کوردستانە، ئەگەر عەرەب بوایە، یان بەرهەم و رەنجی بە عەرەبی بوایە، لە ئاستی باڵای بیرمەندانی ئیسلامی سەردەم دەبوو، کرێکار کەسایەتی ماوەردیی و ئیبنوتەیمییە و سەید قوتب دێنێتە بەرچاو

    مامۆستا کرێکار بە ئیعتیرافی دۆست و دوژمنەکانی ــ لەوانە ئەمریکاییەکان و ئێران و نەرویجییەکان کە دیویانەو لەگەڵییدا دانیشتوون ــ کەسێکی مەوسووعییە: 
یەکەم: رۆشنفکرە: کتێبی زۆری خوێندۆتەوە. شارەزایە لە فیکری ئیسلامیی و مەدرەسە فەلسەفیەکانی رۆژئاوا، چونکە کەسایەتییە  فیکرییەکانی ئیسلامی سەردەمی باش دیراسە کردووە، وەکو ئیمامی مەودوودیی پاکستان و نەدەویی هیندستان و  مالیک بن نەبی جەزائیرو سەید قوتب و محمـد قوتبی میسرو تەقییوددینی نەبهانی فەلەستین/ ئەردەن و حەسەن تورابی سودان و عبدالرحمن حەسەن حەبەننەکەی سوریاو مەهدی بەرەکەو عبدالکریم المهداوی و عبدالرحمان طەهای مەغریب و کاک ناصری سوبحانی و دەیانی تر. کە هەندێکیانی لە نزیکەوە دیووەو موناقەشەی هەندێک بابەتی فیکریی وەکو حاکمێتی و رەسەنایەتی و نوێخوازیی ئوصوولی لەگەڵدا کردوون.. جگە لە دیراسەکردنی دین و مەدرەسە فەلسەفییەکانی رۆژهەڵات و مێژووی فەلسەفەو بۆچوونی دیدو ڕێی فیکرە سیاسییەکانی رۆژئاوا. بیستوپێنج ساڵ بوونیشی لە ئەوروپا بواری زانینی ئیدارەی دەوڵەت و ئاڕاستەی کۆمەڵگەی بۆ کردەوە. هەر کەسێک کتێبی (جیهانبینی ئیسلامی)یەکەی بخوێنێتەوە قووڵی فیکرو بەرفراوانی زانیارییەکانی بە ئاسانی درک پێدەکات. لەم روانگەوەیە کە کاک ماکوان کەریم لە پێشەکی کتێبی گفتوگۆی غەریبیدا کە کۆمەڵێک لە چاوپێکەوتنەکانی مامۆستا کرێکارەو سەنگەر بیلال ئامادەی کردووە دەڵێ: (خوێندنەوەم بۆ ئەم سەرکردە تەنهایە لە رووی فیکرییەوە: دیدو تێڕوانینی لە نێوانی سەید قوتب و عەلی عیزەت بێگۆڤیجدایە، چونکە حاکمێتییەکی رەهای خوایی بۆ ئیسلام داوا دەکات. بەڵام پارسەنگی تەواوی پاراستووە لە نێوان ئوصوڵیبوون و سنوری بەرانبەری. ئەو ئوصوڵییە بۆ خۆی و لە بازنەی خۆیدایەو بازنەی خەڵکی تر داگیرناکات. ئازادی بەرانبەریی پێشێلناکات، خاوەنی هەر بیروباوەڕو بۆچوونێک بن. وایدەبینم کە ئەو ئەم رێبازە بە رەوشت دەزانێت، چونکە گوێم لێبووە خۆی دەڵێت: خوای گەورە ئازادیی فیرعەون پێشێلناکات کە دەڵی من خوای بەرزی ئێوەم.. دیدو بۆچوونی بۆ گەردوون و مرۆڤ و دەسەڵات، ماف و ئەرک، کە بینای فیکری لەسەر دەکرێت، ئەو لەسەر بنەمای قورئان و سوننەت کۆنکرێتیی دایڕشتووە. بەڵام چونکە دیدی فراوانەو خوێندنەوەی تایبەتیی هەیە بۆ هەموو تێزو چەمکەکان ئەوەندەی تر هێزو توانای فیکریی پێ بەخشیوە. لە رووی بیرکردن (تفکیر)ەوە زۆر هێمنە. بەڵام زۆرجار خەڵکی وا دەبینن کە هەڵەشەیی پێوە دیار بێت، بەڵام لە راستییدا من لە هەڵوێست و ئازایەتی و جورئەتی بۆ ئیسلام دەیبینمەوە، بەو شێوە رەفتارێک نیشانئەدات بۆ ئەوەی نەوەی دوای خۆی یان هەوادارانی تووشی شکستی دەروونی و لەرزۆکی نەبن. هەمیشە بێباکانە خۆیان نیشان بدەن، ترسیان لە خوای گەورە زیاتر لە هیچ شتێکیتر لەم زەمینەدا نەبێت). 
هەروەها پرۆفیسۆر (لارش گویلە) کە چەندین جار (شاهیدی زانیاریی) مامۆستا کرێکار بوو لە دادگای نەرویجدا بەردەوام دەڵێ: (کرێکار کوردەو ساحەکەی کوردستانە، ئەگەر عەرەب بوایە، یان بەرهەم و رەنجی بە عەرەبی بوایە، لە ئاستی باڵای بیرمەندانی ئیسلامی سەردەم دەبوو، کرێکار کەسایەتی ماوەردیی و ئیبنوتەیمییەو سەید قوتب دێنێتە بەرچاو).


شاهیدییه‌كان