هەمەڕەنگ

به‌ پشتیوانی خوا رۆژی ١٥ ی شوبات وه‌رزی نوێی به‌رنامه‌كانی ته‌له‌فزیۆنی شاهیدان ده‌ستپێده‌كات

به‌ پشتیوانی خوای گه‌وره‌ له‌ ١٥ ی شوبات وه‌رزی نوێی به‌رنامه‌كانی ته‌له‌فزیۆنی شاهیدان ده‌ستپێده‌كات و جه‌نابی مامۆستا كرێكار چه‌ندین به‌رنامه‌ی نوێ پێشكه‌ش ده‌كات كه‌ دیارترینیان بریتین له‌:
بەرنامەكانی وه‌رزی نوێی کەناڵی شاهیدان 
یەکەم: ئیستیخلاف:
زنجیرە دەرسێکە لەسەر ئیستیخلاف واتە: بریکاریی خوای گەورە لەسەر زەوی، کە بریتییە لە چەندین بڕگەی عەقائیدیی دینەکە، وەکو خواناسیی، خواپەرستیی، پابەندبوون بە شەرعەوە، دینداریی (پاڵفتەی دەروون و پارسەنگی رەوشت و دابوئادابەکان)، هەروەها بانگەوازی تاککەسی بۆ ئیسلام ، کۆمەڵکاریی بە ئیمان و هیجرەت و جیهادو داڵدەدان و سەرخستن، ئینجا تەوحیدو حاکمێتیی دین و سەروەرێتیی شەرع، دارولئیسلام و ئیدارەی راشیدەو ئاڕاستەکردنی کۆمەڵگە.. 
دووەم: ئیمانییات:
زنجیرە دەرسێکە باسی ناوو ئەحکامی باوەڕ دەکات لە پێناسەی باوەڕ، پێکهاتەی باوەڕ، مەرجەکانی باوەڕ، لقەکانی باوەڕ، هەڵوەشێنەرەوەکانی باوەڕ لە کوفرو شیرک و فیسق و نیفاق و جاهیلییەت.. هەروەها باسی کۆمەڵە دینییە مێژووییەکان، ئەوانەی لە بازنەی گشتی ئەهلی سوننەت و جەماعەتتدان و ئەوانەی لەو بازنەیەدا نین و ئەوانەش کە لە ئیسلام و ئوممەتەکەی دەرچوون، ئەگەرچی بە خۆیان دەڵین موسوڵمان و نەزانیش وا دەزانێت هەر لە بازنەی موسوڵمانێتییدا ماون.. 
سێیەم: شیعەناسیی:
زنجیرە دەرسێکی دورودرێژی شیعەناسییە، بە مێژووی دروستبوونی کۆمەڵ و مەزهەب و مەدرەسە جیاوازەکانیانەوە، هەروەها (بۆچی شیعە بە کافرمان دەزانن؟)، کە خەڵکی لە بەهێزیی راگەیاندنی شیعەوە هەر وا دەزانن سوننی شیعە بە کافر دەزانن نەک بە پێچەوانەوە!.. هەروەها باسی چۆنیەتیی گەوجاندن و کەراندنی شیعە لە لایەن ئاخوونەکانیانەوە.. لەگەڵ هەندێک بیرخستنەوە لەسەر ئێرانیزم و پیلانەکانی ئێران بۆ ئیحتیواکردن و فیتنەنانەوە..
چواره‌م: بەرەو شۆڕشی نان و ئەمان:
زنجیرە دەرسێکە دەربارەی چۆنییەتی گۆڕانکاریی ریشەیی لە ناو کورددا بە گشتیی و لە باشوور بە تایبەتیی، بە داڕشتنەوەی زەمینەی گۆڕانکاریی. و جوێکردنەوەی رۆشنبیریی رەسەن لە رۆشنبیریی مزەووەر.. دڵنیابوون لەوەی کە لە جیهانی موسوڵماناندا ئەگەر ئازادی هەبێت گؤرانکاریی راست و رەوا بە حەلەمانییەکان ناکرێت.. لەگەڵ کۆمەڵێک بەرچاوڕوونی بۆ ناسینی جۆری کەسایەتیی کورد و واقیعی باشووری کوردستان و چۆنییەتی خۆڕێکخستن و گۆڕانکاریی فیکریی و سیاسیی و قییەمیی..
_ لە روانگەی شەریعەتەوە: له‌م به‌رنامه‌یه‌دا وه‌ڵامی ئه‌و پرسیارانه‌ ده‌درێته‌وه‌ كه‌ له‌لایه‌ن هاوڵاتیانه‌وه‌ ئاراسته‌ی مامۆستا كرێكار ده‌كرێن و وه‌ڵامیان ده‌درێته‌وه‌.( راسته‌وخۆ)
_ پرسی رۆژ: له‌م به‌رنامه‌یه‌دا تیشك ده‌خرێته‌ سه‌ر ئه‌و بابه‌تانه‌ی كه‌ له‌ نێو گۆڕه‌پانی سیاسی هه‌رێمدا ده‌وروژێندرێن و باس له‌و گۆرانكارییانه‌ ده‌كرێت كه‌ له‌ هه‌رێمی كوردستان رووده‌ده‌ن و شیكارێكی سیاسیانه‌یان بۆ ده‌كرێت ( راسته‌وخۆ)
_ گەشتی ئەقڵ: دوواندنی هزرو ژیرییە دەربارەی هەبوونی خوای کردگارو وەحی و پێغەمبەرێتیی و رۆژی دوایی، کە پێشتریش هەندێک ئاڵقەیمان لێ بڵاوکردبۆوە..
_ پێشەوایانمان: زنجیرە بیرخستنەوەیەکی یاوەران و پێشەوایانی سەلەفی ئەم ئوممەتەیە کە هەر یەکەیان مەشخەڵێکی سەربەخۆی هیدایەتدانی موسوڵمانبوونن.
1560 جار بینراوە‌
10/02/2019