X

گەڕان




فەرموودەوانی >>  گومانڕه‌وێنی فه‌رمووده‌
  •    حه‌دیسی قودسی چۆنه، ئایا ده‌بێ بڵێین خوای گه‌وره ده‌فه‌رموێ یان پێغه‌مبه‌ر (علیه الصّلاة والسّلام) ده‌فه‌رموێ؟
  • حه‌دیسی قودسی ئه‌وه‌یه که فه‌رمووده‌ی خوای په‌روه‌ردگاره جگه له قورئان، قورئانه‌که ئه‌وه فه‌رمایشتی خوای په‌روه‌ردگاره‌و مه‌علوومه به‌ڵام حه‌دیسی قودسیش فه‌رمووده‌ی خوای په‌روه‌ردگاره به‌ڵام پێغه‌مبه‌ری خوا (علیه الصّلاة والسّلام) گێڕاوێتیه‌وه‌و قودسیشه له‌به‌رئه‌وه‌ی که له جنسی قورئان نییه هه‌رچه‌نده پیرۆزه که له خوای په‌روه‌ردگاره‌وه‌یه. بۆ گێڕانه‌وه‌شی ئاوا ده‌ڵێین بۆ نموونه: «عَنِ النَّبِيِّ صَلَّى اللهُ عَلَيْهِ وَسَلَّمَ فِيمَا يَرْوِيهِ عَنْ رَبِّهِ تَبَارَكَ وَتَعَالَى»؛ «له پێغه‌مبه‌ری خواوه  (علیه الصّلاة والسّلام) له‌وه‌ی که له خوای په‌روه‌ردگاریه‌وه گێڕاوێتیه‌وه»؛ یان ده‌ڵێێن: «قال اللّه عزّ و جلّ فی الحدیث القدسي»؛ «خوای گه‌وره له حه‌دیسی قودسیدا ده‌فه‌رموێ». وه‌ک نموونه‌ی حه‌دیسی قودسیش ئاماژه به‌م فه‌رمووده ده‌که‌ین: «يَا عِبَادِي إِنِّي حَرَّمْتُ الظُّلْمَ عَلَى نَفْسِي، وَجَعَلْتُهُ بَيْنَكُمْ مُحَرَّمًا، فَلَا تَظَالَمُوا»[1]؛ «ئه‌ی به‌نده‌کانم من زوڵم و سته‌مم له‌سه‌ر نه‌فسی خۆم حه‌رام کردووه‌و له‌نێوان ئێوه‌شدا به حه‌رام دامناوه، که‌واته سته‌م له یه‌کتری مه‌که‌ن».



    [1]. مسلم: 2577.