مامۆستا کرێکار

ئایا رۆژووی ره‌مه‌زان فه‌رزه؟
پێشتریش باسمان کرد و وتمان نابێت که‌سێکی نه‌زان و جاهیل و نه‌خوێنه‌واری عه‌لمانی بێته سه‌ر ته‌له‌فزوێنی پارتی و یه‌کیه‌تی و بڵێ: وه‌ڵا رۆژوو فه‌رز نیه! ئه‌م نه‌خوێنه‌واره لانی که‌م ره‌ئیی یه‌ک میلیۆن زانا ره‌د ده‌کاته‌وه له کاتێکدا خۆیشی نازانێت قول و فول له یه‌ک جیا بکاته‌وه! ده‌ی تۆ بۆ قسه‌ی که‌سێکی وا ئه‌چێت به مێشکتا؟! هه‌ر له ئه‌ووه‌ڵۆ بۆ قسه‌که‌ی فڕێ ناده‌ی؟ بۆ گوێی لێ ئه‌گریت ئه‌سڵه‌ن؟ تۆخوا من ئیمامی شافیعی ئیمامم بێت گوێ له ئه‌هلی په‌ڕله‌مان ئه‌گرم؟! ئیمامی شافیعی - ره‌حمه‌تی خوای لێ بێت - ساڵی 204ی هیجری کۆچی دوایی کردووه ئێستا ساڵی 1438ه؛ یه‌عنی هه‌زار و دووسه‌د و ئه‌وه‌نده ساڵه کۆچی دوایی کردووه، کتێبی « الرّسالة»ی نووسیوه که یه‌که‌مین کتێبی فیقهی ده‌ستووریه له عاله‌ما! ده‌ی ئه‌م ئیمامه به‌ڕێزه‌م هه‌بێت من بۆچی شوێن کابرای په‌ڕله‌مان که‌وتووم؟ نه‌خوێنه‌وارێک که نیوه‌ی ژیانی به خه‌و بردۆته سه‌ر و نیوه‌که‌ی تری له مه‌کته‌به سیاسیه‌که‌ی خۆی بڕیاریان له سه‌ر داوه ئه‌ویش به خه‌واڵوویی ده‌ستی بۆ به‌رز کردووه‌ته‌وه! باشه تۆخوا تۆ گوێ له یه‌کێک ئه‌گریت له سه‌ر ته‌له‌فزیۆن دوای شه‌راب خواردنه‌وه‌که‌ی هاتووه ئه‌ڵێ: وه‌ڵا رۆژوو فه‌رز نیه! له‌مانه گه‌ڕێن، هه‌ر گوێیان لێ مه‌گرن به په‌ڕۆ و پاتاڵیان دانێن، به سیپاڵێکی پیسیان دانێن، ئه‌وانه چیه گوێت لێ گرتووه؟ پێغه‌مبه‌ری خوا – علیه ‌الصلاة والسلام - پێغه‌مبه‌ری مه‌عسووم ئه‌مه‌ی روون کردووه‌تۆ دوایی ئه‌م ئوممه‌ته هه‌مووی به‌ڕۆژوو بووه! باشه له ناو ئه‌و هه‌موو سه‌حابیه‌دا بینیومانه یه‌کێک به‌ڕۆژوو نه‌بێت و بڵێ وه‌ڵا « كُتِبَ عَلَيْكُمُ الصِّيَامُ» یه‌عنی له سه‌رتان نووسراوه، ئیتر من به سوننه‌تی ئه‌زانم و نایگرم؟! که‌سێک هه‌یه شتی وای وتبێت؟ برا ئێمه 513000 (نیو ملوێن) زانامان هه‌یه که تاریخی نووسراوه‌ته‌وه تا ساڵی 700ی هیجری! ئه‌وه ئێستا 1438ه، یه‌عنی 738ه‌که‌ی ئێستای لێ ده‌ربکه، تاریخی ئه‌م هه‌موو عوله‌مایه نووسراوه‌ته‌وه، هه‌موویشیان ئه‌ڵێن رۆژوو فه‌رزه که‌چی داماوێک هاتووه له سه‌ر ته‌له‌فزوێنی پارتی و یه‌کیه‌تی ئه‌ڵێ وه‌ڵا رۆژوو فه‌رز نیه تۆخوا حه‌قه تۆ گوێی بۆ بگریت؟! برا قسه‌که‌ی بخه‌ره که‌ناره‌وه‌و بیخه زبڵدانه‌وه.

گەڕان